အထိန်းသိမ်းခံအမျိုးသားဒီမိုကရေစီအဖွဲ့ချုပ်ဒု-ဥက္ကဋ္ဌ ဦးတင်ဦး၏ (၈၁)နှစ်ပြည့်
မွေးနေ့အထိမ်းအမှတ် ဂုဏ်ပြုဆောင်းပါး

 သူရတင်ဦး ၈၁နှစ်ပြည့် အမှတ်တရစာ
ရွှေဒေါင်းဖြူ 

ထိုစဉ် ၀င်ဒါမီယာမှ အကျယ်ချုပ်ခံ ဗိုလ်ချုပ်ကြီးဟောင်း သူရတင်ဦး ၈၁ နှစ်ပြည့်ဆိုသည့် သတင်းများ ကြားရသောအခါ 'အုန်းကျော်မြင့်" ကို ပြေးသတိရမိသည်။ ၄၈ က ဗိုလ်ရဲထွဋ်တို့ကဲ့သို့ တပ်ရင်းလိုက် တောခိုမှုများ ရှိခဲ့သော်လည်း ထိုသို့အာဏာရှင်ကို ဗြောင် လုပ်ကြံရန် တပ်တွင်း ကြံစည်မှုမှာ ဤသည်က အစဖြစ်သည်။ ၇၀ ပြည့်နှစ်များ၏ စီးပွားရေး ယိုယွင်းမှုကြောင့် ဗိုလ်နေ၀င်း၏ သံမဏိလက်ဆုပ်ကို ဖြေလိုသူများ ဥပဒေတွင်းပြင် တိုက်ပွဲမှာ ကျဆုံးလေသော အာဇာနည်တဦးလည်း ဖြစ်သည်။ လူထုတိုက်ပွဲကား ၇၄ - ၇၅ အရေးအခင်းများ၌ ကျရှုံး၏။ တပ်တွင်းပုန်ကန်မှုကား ဗိုလ်ချုပ်ကြီး တင်ဦး ဖယ်ရှားခံရမှုနှင့် နိဌိတံ၏။ မဆလတွင်း တိုက်ပြဲကား ၇၇ တတိယအကြိမ် ညီလာခံ ပါတီသန့်စင်ပွဲ (ဗကပဟောင်း တောထုတ်ပွဲ)၌ ချုပ်ငြိမ်း၏။ ထိုနောက် မြုံနေသော တော်လှန်ရေး သန္ဓေသားသည် ၈၇ - ၈၈ ၌ တဖန် ရုန်းကန်တိုးထွက်ရာ ဆရာဝန်ညှပ်မဆွဲ၍ သေလွန်လေသည်။ ထိုမှနောက်တဖန် မပြီးသေးသော ဒီမိုကရေစီရေး ခရီးရှည်ကြီးတွင် ဗိုလ်ချုပ်ကြီး တင်ဦး လျှောက်လှမ်းခဲ့ရာ အကျယ်ချုပ် သက်တမ်းပင် ၅နှစ် ပြည့်ရော့မည်။ မြန်မာ့နိုင်ငံရေးကား စစ်ဗိုလ်လက်ဟောင်းနှင့် လက်သစ်တို့၏ ပဋိပက္ခဟုပင် ပြောရလိမ့်မည်။

၇၄ - ၇၅ ဆန္ဒပြပွဲများတွင် လူထုကိုးစားမှုကို ရခဲ့သော ဗိုလ်ချုပ်တင်ဦးမှာ ရာမို့စ် မဖြစ်လိုက်ရဘဲ ထောင်မင်းသား ဖြစ်ခဲ့ရပြီး ၈၈ တွင် လူထုလှုပ်ရှားမှုတွင် ရောက်ခဲ့ရသည်။ NLD ခေါင်းဆောင်မှုအပိုင်းတွင် တချို့ ဗိုလ်ဟောင်းများကဲ့သို့ ဗျူရိုကရက်မဆန်၊ ရိုးသားဖော်ရွေ၍ လူထုချစ်ခင်မှု ယုံကြည်မှုကို ခံရသည်။ ထို့ကြောင့်လည်း နောက်ဆုံးတခေါက်တွင် ပြန်မလွှတ်တော့။ လက်ရှိတပ်မတော်အတွင်းမှ ရာမို့စ်လက်သစ်များ၊ လက်ရှိ အင်ဒိုနီးရှားသမ္မတကဲ့သို့ ဗိုလ်ချုပ်များ ကြံဆောင်မှသာ သူရတင်ဦးလို မြန်မာဖယ်ဒရယ် ပြည်ထောင်စုတွင် လူကြီးသူမအနေနှင့် ခေါင်းဆောင်မှု ပေးနိုင်ပါလိမ့်မည်။ အာဇာနည် ဦးအုန်းမောင်၊ သမ္မတဟောင်း ဒေါက်တာ ဘဦးတို့၏ မယားညီအကိုတော်သည့် ဗိုလ်ချုပ်ကြီးမှာ လူထုဗိုလ်ချုပ်ကြီးပင် ဖြစ်တော့သည်။