လူ့အခွင့်အရေးညီလာခံတွင် လက်နက်ရောင်းဝယ်မှုကို ပိတ်ပင်ရန်တောင်းဆို
(ရိုးမ ၃ မှ ကူးယူဖော်ပြသည်)

အင်ဒိုနီးရှားနိုင်ငံ ဂျာကာတာမြို့၌ ယနေ့ကျင်းပခဲ့သည့် လူ့အခွင့်အရေးညီလာခံတွင် မြန်မာနိုင်ငံ အား လက်နက်ရောင်းဝယ်မှုကို ပိတ်ပင်ပေးရန် ဆရာတော်ဦးသြဘာသက တောင်းဆိုလိုက်သည်။ ပြီးခဲ့သည်နှစ် စက်တင်ဘာလက လမ်းပေါ်တွင်ငြိမ်းချမ်းစွာဆန္ဒပြ စီတန်းလှည့်လှည်နေသည့် ရဟန်းသံဃာများကို မြန်မာစစ်သားများက ရက်ရက်စက်စက် သေနတ်ဖြင့် ပစ်သတ်ခဲ့ပြီး ပြည်သူလူထုအပေါ် လက်နက်အားကိုးဖြင့် အနိုင်ကျင့်နေသောကြောင့် ယခုကဲ့သို့ တောင်းဆို လိုက်ခြင်း ဖြစ်သည်။ ထို့နောက် ဆရာတော်ဦးသြဘာသက စက်တင်ဘာသံဃာ့လှုပ်ရှားမှုတွင် ရဟန်းသံဃာများကို သေနတ်ဖြင့် ပစ်သတ်ခံခဲ့ရပုံများနှင့် ပတ်သက်ပြီး တုန်လှုပ်ခြောက်ခြားဖွယ်ရာ ကိုယ်တွေ့ဖြစ်ရပ် များကို ပြန်ပြောပြသည်။ (၃) ရက်ကြာ ကျင်းပသော အင်ဒိုနီးရှားလူ့အခွင့်အရေးညီလာခံတွင် ဆရာတော် ဦးသြဘာသ က “ဘယ်လောက်တောင် အသတ်ခံရလို့ ငိုကြွေးနေခဲ့ရတဲ့သူတွေ ဘယ်လောက်တောင်ရှိနေ မယ်ဆိုတာ ကျွန်ုပ်တို့ မသိနိုင်တော့ပါဘူး…….

ကျွန်တော့ရဲ့စိတ်ထဲမှာတော့ ဒီပုံရိပ်တွေကို မေ့ပျောက်လို့ မရနိုင်ပါဘူး။ ရွှေတိဂုံဘုရား အရှေ့ဘက်မုဒ်မှာ ဘယ်လောက်သေဆုံးဒဏ်ရာ ရတယ်ဆိုတာကို အတိအကျမသိရပေမဲ့ မေတ္တာသုတ်ရွတ်နေတဲ့ဘုန်းတော်ကြီး (၃)ပါး မျက်စိ ရှေ့တွင် သေဆုံးသွားရတယ်” ဟု ဆိုသည်။ ၎င်းဆရာတော်ဦးသြဘာသသည် ရွှေတိဂုံဘုရား အရှေ့ဘက်မုဒ်တွင် စစ်တပ်မှတိုက်ခိုက်မှုတွင် အဓိကမျက်မြင် သက်သေတဦးဖြစ်ပြီး နယ်စပ်ကိုဖြတ်ကျော်၍ ထိုင်းနိုင်ငံသို့ ထွက်ပြေး လွတ်မြောက်လာခဲ့ပြီး သီရီလင်္ကာနိုင်ငံတွင် သွားရောက်နေထိုင်ကာ တိုင်းပြည် (ဒီမိုကရေစီ စနစ်သို့) ပြုပြင်ပြောင်းလဲရန် ကြိုးပမ်းအားထုတ်နေသူများကို ဆက်လက်ထောက်ခံသွားမည်ဖြစ်ကြောင်း ဆက်လက်ပြောဆိုသည်။ ကုလသမဂ္ဂ အစီရင်ခံစာများတွင် စက်တင်ဘာအရေးအခင်းအတွင်း စစ်တပ်မှရက်စက်စွာ နှိမ်နင်းမှုကြောင့် ခန့်မှန်းခြေ လူ(၃၁) ဦးသေဆုံးပြီး ထောင်ပေါင်းများစွာ ဖမ်းဆီးထိမ်းသိမ်းခံ နေရသည်ဟု ခန့်မှန်းထားသည်။